انا مصري وبحب بلدي وده شئ مش جديد
كنت عايش زي ما تيجي يوم حزين ويوم سعيد
ماهتمتش في يوم اشترك لا في وفد ولا معارضه ولا تاييد
وفي يوم ماشي رايح شغلي شوفت زحمه وهتاف شديد
قال ايه شويه ناس معترضين وعايزين نظام جديد
وقفت معاهم وسالت عايزين في ايه التجديد
قالولي عايزين عداله وحكومه تانيه ورئيس جديد
داحنا عشنا كتير في ظلم ممسوكلنا عصايه من حديد
لا شباب لاقي وظيفه ولا شقه ولا عارف يبقي سعيد
والفقر والبطاله والسرقه كل يوم بتزيد
واحنا شبعنا ظلم وسكوت وتهديد ووعيد
عايزين نعيش في عداله ونظام مش حديد
وادينا واقفين لحد ما يجينا التاييد
قلتلهم انا ماشي رايح شغلي وهتابع عنكم الجديد
روحت بيتي كالعاده وصحيت بدري تاني يوم
لقيت ناس امبارح واقفين تاني اليوم
سالت ايه الجديد قالولي جالنا الرد
سالت قلت ايه قالولي قنابل وضرب وشد
ورصاص مطاطي واهانه وناس كتيره تعبانه
فينا اللي اتصلب واللي اتعور واللي خرج من بيته
واهله عليه بتدور واللي من الخبطه تايه
ومش عارف هو مين كل ده برده وهنفضل واقفين
وهنفضل نطالب لحد باقي حياتنا ومش ساكتين
بعديها في نفس اليوم لقيت الدنيا خراب
رمسيس هيلتون واركيديا مول بقوا هباب
السما مليانه دخان اسود وسحاب
والارض مليانه حجاره وزلط وتراب
وفيه سرق ونهب ومساجين بتهرب
واقسام شرطه بتولع ومولات عمرانه بتخرب
سالت فين الامان قالولي بقي سراب
سالت فين زمايلكم قالولي تحت التراب
قولتلهم وانتم صامدين ولا املكم خاب
قالولي احنا واقفين لو حتي فيها عذاب
فضلت واقف معاهم لحد ما سمعت الخطاب
خطاب رئيسنا اللي قال انه هيعمل كتير
هيشيل كل الكلاب والخونه وهيمنع التزوير
الكل مش صقف وهاص فضل ناس ساكتين
وقالوا احنا هنفضل في مكانا مش ماشيين
هناكل ونشرب ونام وهنفضل قاعدين
لحد مامطابنا تتنفذ زي مااحنا عايزين
صرخت وقلت كفايه اللي اخدتوه الان
ودلوقت لازم نرجع بيوتنا وشغلنا ان الاوان
اننا نحمي بلدنا وارضنا ونحطم طموح عدونا
اللي قاعد بيتفرج علينا وبيترصدلنا
ومستني كام غلطه تحصل مننا
عشان يبرر ظلمه وتدخله في مصالحنا وارضنا
بلدنا دي من حقنا وحان وقت الاستقرار
واللي هيفضل قاعد ومتبت مش هيحفظ حقنا
ده كده هيضيع اللي عملوه ولادنا وهيحرق قلبنا
لازم نحاول نصلح ونلملم نفسنا
عشان دم اللي ماتوا ميروحش هدر
لما غريب يدخلهل وهيبقي غدر
واكيد ساعتها هيبقي غضب من ربنا
لاننا هنكون ضيعنا بادينا حقنا
احلم اليوم بمزيد من الاستقرار
ردحذفارغب في ان يشرق مره اخري النهار
لا ارغب في مزيد من الثوره او الثوار
ارغب في ان يعود كل منكم الي الدار
الا فانتم حقا ترغبون في اشعال النار
سينظر التاريخ لامثالكم بازدراء واستحقار
لانكم لا تسعون الي الهدوء والاستقرار
بل ترغبون في مزيد من العنف والدمار
انا مصر وكل مصري لي وليد
احلم بان يصبح كل منكم متفائل وسعيد
فبمجرد انتشار الهدوء ستروني في ثوبي الجديد
ساكون اكثر قوه وحضاره وساحظي بالتاييد
من كل شعوب العالم ولن اقبل بالتحديد
أي تدخل في شئوني وسابدا بالوعيد
اذا تجرا شخصا وحاول ان يسرف مني السلام
ساجعله عبره يعتبر بها كل ما علي الارض من انام
ساجعله خائفا مضطربا ولن يستطيع ان ينام
هذا ان لم يرد لي ولشعبي مزيدا من السلام
ساجعل اطفالي الصغار يلقنوه درسا سيذكره التاريخ
ساحطم حالتهم النفسيه ودمائهم استبيح
لكي ينعم شعبي بالسلام ويستريح
كل ما ارغب في نشره الان هو الحقيقه
كشفت لي ازمتي اعدائي والدول الصديقه
سالقن اعدائي دروسا ولن اكون رفيقه
ساجعلهم يندمون علي افعالهم وانا بالفعل دقيقه
في استخدام تعبيرلتي ومراعاه اختيار الطريقه
زمان كان امير الشعراء احمد شوقي بيكتب قصايد بينقد فيها اوضاع البلد
ردحذفوالتدخل الاجنبي وكانت القصيده تقال علي لسان الحيوانات
يعني هنلاقيه كان بيرمز لعدو بالثعلب الماكر والشعب كان بيشبه بالديك
وكان متاثر بكليله ودمنه ودي كانت روايه اصلها فارسي برده علي لسان الحيوانات
والدليل علي كده قصيدته التي تسمي
الثعلب والديك واللي بيقول فيها
برز الثعلب يوما في شعار الواعظينا
فمشي في الارض يهدي و يسب الماكرينا
ويقول الحمد لله اله العالمينا
ياعبادالله توبوا فهو كهف التائبينا
وازهدوا في الطيران ان العيش عيش الزاهدينا
واطلبوا الديك يؤذن لصلاه الصبح فينا
فاتي الديك رسول من امام الناسكينا عرض الامر عليه وهو يرجو ان يليتا
فاجاب الديك عذرا يا اضل المهتدينا
بلغ الثعلب عني عن جدودي الصالحينا عن ذو التيجان ممن دخل البطن اللعينا
انهم قالوا وخير القول قول العارفينا
مخطئ من ظن يوما ان للثعلب دينا
اعتقد ان الرساله وصلت
ومش محتاجه شرح