المشاركات الشائعة

الاثنين، 7 فبراير 2011


صرخت بعلو صوتى وقلت آه
الصرخة عاليه سمعها كل خلق الله
قالولى ليه يام الدنيا ليه
قلت بصرخ من سنين وسنين
والخلق آل ايه مش سامعين
عاملين ودن من طين والتانيه من عجين
لكن قلوبهم كان كلها صراخ وانين
من الفقر والذل والفاسدين
الظلم كتر والصوت العالى كان للظالمين
بعلو الصوت قلت يارب خلصنى من الطاغين
سمعت صوت عالى بيقول آمين
الصوت شجعنى لفعل ايجابى
وحلفت ساعتها لحرر بلادى
واكون احسن ام لاولادى
راح اخلى الكون يحلف بترابى
راح ارجع عزى وامجادى
وفى نفس اللحظة سمعت صوت تعبان
بيقول هفسدلك كل الاحلام
هدمر ارضك وشعبك وعيشك فى ظلام
هشعل نار الفتنة بين ولادك وخليهم فى خبر كان
ساعتها بصيت في عينه واتأكدت انه جبان
لامم حواليه شوية عقارب وغربان
واقفين بين ابطالى بيوسوسو زى الشيطان
انتابنى القلق لحظة وخفت ع الشجعان
لاحظو القلق في عيونى وقالو يا اغلي الاوطان
راح نهلكهم ويكونو عبرة لكل خاين وجبان
شجعنى حماسهم من جديد
لا خوفنى عدو ولا تهديد
وبدأت مسيرة الاصلاح والتجديد
وقدرت اخلى الكل سعيد
سواء معارضه او تاييد
ووصلت بيهم لبر الامان
وعشت حرة عبر الازمان
فاللحمد لك يا رب الكوان

ليست هناك تعليقات:

إرسال تعليق