كتير بنتعرض لمواقف او بنشوف حقائق تدعو للياس والاحباط وساعتها بتسود الدنيا في عيونا ونحس بالضياع لكن اذا وقفنا شوية مع نفسنا هنلاقى ان الياس والاحباط مش بيعمل حاجة الاانه بيدمرنا ويخلينا واقفين مكاننا بنستنى الموت لكن اذا دورنا على الامل وتمسكنا بيه هنلاقي حاجة نعيش علشانها. هيكون لحياتنا معني بهدف نسعي لتحقيقه ويكون عندنا امل وواثقين اننا هنحققه.
لما كان مدرس في المدرسة يحكيلنا عن حال البلد واللي احنا فيه كنت بزعل اوي وساعات احس انه مفيش لازمه نكمل تعليمنا طالما احنا كده كده ورا وكل اللى قبلنا مش قادرين يعملوا حاجه لكن بسرعة كنت اتخلص من الشعور دة وارجع اتمسك باحلامى والامل في تحقيقها ولمل دخلت الجامعة فهمت اكتر وصورة البلد وحالها وضحت اكتر لكن اللي فهمته اكتر انه مفيش تقدم ولارقي الا با الامل لازم يكون لكل واحد مننا هدف عايز يحققه ومش هيكون لينا هدف الا اذا كان عندنا امل اننا نقدر نححققه وواثقين من ده.
وعلشان كل ده حبيت اطلق مدونتى مع مبدأ الامل من اجل الحياة .
واليكم هذا:
عجبي عليك يا انسان شايل الهم وتعبان
ماترمى الهم وتسيبه يمكن يزعل يوم ويخاصمك
بدل ماهو كده على الحلوة مقاسمك
طب شووف معايا حال اثنين
في مشا كل الدنيا غارقنين
ده واحد زهقان من الدنيا طهقان
لا عاجبه حاله ولا حتي خالة
شايف الدنيا سوده والاحوال عوجه
ويقوللك انا ماشتغلش الافي مجالى
طب ياعم خليك قاعد خالى
وده واحد فنان عمال بيعافر ومش زهقان
عنده يقين ان الوقت هيحين
واثق في نفسه وبيعمل اللى في نفسه
وعل راي المثال اهو ركب القطار
احكم وحدد وقول هجدد
في حياتى واطور واحلم واتصور
دا الامل حياة واليأس وفاة
ليست هناك تعليقات:
إرسال تعليق