فجأة وبدون مقدمات لقيت نفسى فى مفترق طرقات
انا جيت منين طب رايحة فين كاله اتمحى من الذكريات
اتألمت ؟ اتعذبت؟ ولا عشت فى تبات ونبات ؟
آه انا ممكن اكون فى حالة هروب من الذات
بعد ما تقمصت كتير من الشخصيات
مرة اميرة مرة سعيدة ومرات انين وآهات
هتسألونى مين أنين وأهات؟دول اصحابى من عمر فات
وعشنا مع بعض كتير من الذكريات
شربنا المر سوا على شط الاحزان
وعشنا زمن الذل والهوان
زمن الخسة والندالة والحرمان
يااااااه ذكريات مؤلمة جرحت القلب والوجدان
لكن لكل جرح دواه وجرحى دواه الايمان
الايمان ان شمس الخير راح تشرق وتغطى كل البلدان
ان البسمة راح تترسم على بشرة كل انسان
ان الجاي هيكون افضل من الآن
لا متقولوش دا كلام افلام
دى امانى وأحلام
ومن النهارده هنبقى اصحاب ومش هنفترق فى يوم من الايام
خلاص قررت انسى انين وأهات
مجنيتش من صحبتهم غير اليم الذكريات
ودي مش خسة او ندالة بس عودة للذات
قررت ارجع نفسى اللى دفنتها من زمن فات
ودا حقى وحقك وحق كل واحد فاق من غيبوبة الآهات
راح اعيش الحياة اللى اتمنيتها مهما كانت العقبات
حياة فيها الحب والخير هما اسمى الصفات
يااااااه حياة بجد جميلة يا ترى تحبو تعيشوا فيها الزمن الآت؟؟؟؟؟؟
ليست هناك تعليقات:
إرسال تعليق